သို့
ဆရာ/မများအားလုံးသိစေရန်နှင့်တပည့်ဟောင်းများရင်ဖွင့်သံ
ကျွန်တော်တို့အနေဖြင့်ယခင်အလက(၁)နမ့်တုံကျောင်း ကျောက်မဲမြို့ ရှမ်းမြောက်တွင်ငယ်စဉ်ကာလမှစကာ ပညာရည်နို့သောက်စို့ခဲ့ပါသည်။ကျွန်တော်တို့၏ကျောင်းတွင်အစဉ်အလာတစ်ရပ်အနေဖြင့်ဆရာ/မကြီးများပင်စင်ယူ လျှင် ငွေကြေး၊ပစ္စည်းအဓိကမထားပဲ လက်ဆယ်ဖြာဦးထိပ်ထားပြီး အနန္တဂိုဏ်းဝင်စံပြမိခင်/ဖခင်တို့အား ဂါဝရတရားပြုခဲ့ကြပါသည်။ဆရာ/မ များကလည်းကျောင်းသား/သူများအားမေတ္တာတရားအပြည့်ဖြင့်သင်ကြားပြီး လူတော်၊လူကောင်းများ ကိုမွေးထုတ်ပေးခဲ့ပါသည်။အစဉ်အလာကောင်းဖြင့်ဂုဏ်သတင်းကျော်ကြားသည့်ကျောင်းဖြစ်ပါသည်။
ကျွန်တော်တို့ကျောင်းတွင် ၂၁ နှစ်ကြာတာဝန်ထမ်းဆောင်ခဲ့သော ကျွန်တော်တို့၏အနန္တဂိုဏ်းဝင်ဆရာမကြီးတစ်ဦးသည် ၂၀၁၃ ခုနှစ်အကုန်တွင်သက်ပြည့်ပင်စင် အငြိမ်းစားယူခဲ့ပါသည်။ကျွန်တော်တို့တပည့်များဟောင်းများအပါအ၀င် လက်ရှိကျောင်းသား/သူများအားလုံးသည် ဆရာမကြီးအားနှုတ်ဆက် ဂါဝရပြုရန်အားခဲထားခဲ့ကြပါသည်။သို့သော် လက်ရှိကျောင်းအုပ်ဒေါ်အေးအေးမြင့်မှလုံးဝခွင့်မပြုခဲ့ပါ။ထိုသို့ ခွင့်မပြုကြောင်းသိသောအခါ ပညာရေးဌာနအကြီးအကဲများ မှ ဒေါ်အေးအေးမြင့်အားထိုသို့မပြုလုပ်သင့်ကြောင်း ဂါဝရပြုခွင့်ပေးရန်ညွှန်ကြားခဲ့ပါသည်။ပင်စင်ယူသည့်ဆရာမကြီးကလည်းငွေနှင့်ပစ္စည်းများမလို လက်ဆယ်ဖြာဦးထိပ်ထားပြီးဂါဝရတရားပြုရန်သာလိုလားပါသည်။ကျောင်းမှလက်ရှိဆရာ/မများကလည်း ၀ိုင်းဝန်းဆောင်ရွက်ပေးရန်ဆန္ဒရှိပါသည်။သို့သော်ကျောင်းအုပ်ကြီးကိုကြောက်ရသဖြင့်လုပ်ခွင့်မရခဲ့ပါ။
ယခုအခါ ကျွန်တော်တို့ကျောင်းသည် အထက(၄)အဆင့်တိုးမြင့်ပြီးကျောင်းအုပ်ကြီးဒေါ်အေးအေးမြင့်သည် နောင်ချိုမြို့နယ်၊မြို့နယ်ပညာရေးမှူးရုံးသို့ ဒု-မြို့နယ်ပညာရေးမှူးအဖြစ်ပြောင်းရပါသည်။ ထိုအခါကျောင်းတွင် သူ့အတွက်နှုတ်ဆက်ပွဲကို ကြီးကျယ်ခမ်းနားစွာပြုလုပ်လိုကြောင်း ဆရာ/မများအားပြောသဖြင့် ဆရာ/မများမှ ကျောင်းသား/သူများနှင့်ဆရာ/မများအားငွေကြေးကောက်ခံကာပြုလုပ်ပေးခဲ့ရပါသည်။ ကျွန်တော်တို့အနေဖြင့် ကျောင်းအုပ်ကြီး၏လုပ်ရပ်မှာ မျှမျှတတမရှိသဖြင့် လွန်စွာဝမ်းနည်းရပါသည်။
ထိုကဲသို့ဖြစ်ရပ်မျိုးကို ပင်စင်စားဆရာကြီး၊ဆရာမကြီးများအားလထပ်မံမခံစားစေလိုပါ။ပင်စင်ယူချိန်တွင်တပည့်များ ဂါဝရတရားကြောင့်ပီတိဖြာပြီးစိတ်အေးချမ်းသာစွာ ပင်စင်ယူစေလိုကြောင်း တင်ပြလိုက်ပါသည်။
တပည့်ဟောင်းများ
အလက(၁) ကျောက်မဲမြို့ ရှမ်းပြည်နယ်မြောက်ပိုင်း
>>>>>>>>>>>>>>>>>>>>>
အလက(၁) ကျောက်မဲမြို့ ရှမ်းပြည်နယ်မြောက်ပိုင်း
No comments:
Post a Comment